वाढत्या पेट्रोलच्या दरांमुळे दमदार मालयेज देणाऱ्या बाईकच्या शोधात असाल तर एका लिटर पेट्रोलमध्ये ७० ते १०० किमीपर्यंत मायलेज देणारी बाईक तुम्ही फक्त ७,००० रुपयांमध्ये घरी नेऊ शकता.
सतत वाढणाऱ्या पेट्रोलच्या दरांमुळे पैशांची बचत करण्यासाठी अनेक वाहन चालक एखाद्या दमदार मायलेज देणाऱ्या बाईकच्या शोधात आहेत. देशाच्या टू-व्हीलर मार्केटमध्ये मायलेज बाईक्सची मोठी रेंज उपलब्ध आहे. यात आज तुम्हाला बजाजची लोकप्रिय बाईक Bajaj Platina बद्दल सांगत आहोत. ही बाईक कमी किंमतीत 'पैसा वसूल' मायलेजसाठी ओळखली जाते, तसेच कंपनीच्या बेस्ट सेलिंग बाईक्समध्येही प्लॅटिनाचा समावेश होतो.
Bajaj Platina बाईक खरेदी करण्यासाठी तुम्हाला साधारणपणे ५२,९१५ ते ६३,५७८ रुपये खर्च करावे लागतील. पण जर एकाच वेळी इतके पैसे खर्च करायचे नसतील तर तुम्ही ही बाईक फक्त ७ हजार रुपयांच्या डाउन पेमेंटवरही घरी नेऊ शकता. डाउन पेमेंट प्लॅनबाबत जाणून घेण्याआधी एक नजर मारुया बाईकच्या इंजिन, मायलेज व स्पेसिफिकेशन्सवर...
इंजिन-मायलेज:
बजाज प्लॅटिना ही कमी किमतीत येणार मायलेज बाईक असून कंपनीने ३ व्हेरिअंटमध्ये लाँच केली आहे. या बाईकमध्ये कंपनीने एअर-कूल्ड तंत्रज्ञानावर आधारित सिंगल सिलेंडर १०२ सीसी DTSI इंजिन दिले आहे. हे इंजिन 7.9 PS पॉवर आणि 8.3 Nm पीक टॉर्क जनरेट करते, इंजिनसोबत ४-स्पीड गिअरबॉक्स जोडलेला आहे. ही बाईक मायलेजच्या बाबतीत खूपच दमदार आहे. बजाज प्लॅटिना एका लिटर पेट्रोलमध्ये ७० ते १०० किलोमीटर प्रति लिटर मायलेज देते, असा कंपनीचा दावा आहे.
२,४१९ रुपये EMI -
दुचाकी क्षेत्राविषयी माहिती देणाऱ्या BIKEDEKHO या वेबसाईटवर दिलेल्या डाउन पेमेंट आणि EMI कॅल्क्युलेटरनुसार, डिस्क ब्रेक व्हेरिअंटमधील प्लॅटिना खरेदी केल्यास, तुम्हाला कंपनीशी संबंधित बँक ६७,००९ रुपये कर्ज देईल. या कर्जावर, तुम्हाला किमान ७,४४५ रुपये डाउन पेमेंट करावे लागेल आणि त्यानंतर दरमहा २,४१९ रुपये EMI भरावा लागेल. या बाईकसाठी कर्जाची मुदत ३६ महिन्यांची असून बँक कर्जाच्या एकूण रकमेवर वार्षिक ९.७ टक्के व्याजदर आकारेल.
नोट - कोणत्याही वाहननाचा मालयेज रोड कंडिशन आणि ड्रायव्हिंग स्टाईलवर अवलंबून असतो. तर, लोन आणि डाउनपेमेंटची रक्कम तुमच्या बँकिंग आणि सिबिल स्कोरवर अवलंबून असते, जर रिपोर्ट नकारात्मक असेल तर लोनची रक्कम, व्याजदर आणि डाउनपेमेंटमध्ये बदल होऊ शकतो.
0 Comments